Patay ang isang rider makaraang humataw sa konkretong center island nang sumemplang sa minamanehong motorsiklo sa kahabaan ng Bacoor Boulevard, Molino 2, Bacoor City, kamakalawa ng gabi.
Kinilala ng pulisya ang biktimang si Stephen Villanueva Pacheco, 31-anyos, may asawa residente ng B8 L5 Sorreto Avenue, Camella Homes Bacoor City, Cavite.
Ayon sa imbestigasyon ni P/Staff Sgt. Bernie Rusiana ng Bacoor Police, alas-10:30 ng gabi habang minamaneho ng biktima ang kanyang itim na Yamaha motorcycle (DC-37145) at bumabagtas sa nasabing lugar nang aksidenteng sumemplang. Dito sumadsad ang biktima sa center island ng kalsada sanhi upang humataw ang mukha nito at ulo sa bakal.
Agad namang sinaklolohan ng mga responders ang biktima at dinala sa pagamutan subalit sa tindi ng inabot na pinsala ay binawian din siya ng buhay.
Source: Pilipino Star Ngayon
#Cavithink
#BacoorCity
#Cavite
